Pablo Costa Caravel e Julia Garcia nos Campionatos Galegos de Campo a través Este pasado sábado tivo lugar a celebración do Campionato Galego de campo a través escolar celebrado na Pobra do Caramiñal Alí estiveron varios deportistas costeiros. A Asociación Deportiva Olimpia contou coa participación de Julia García. Tamén estivo competindo cos mellores de Galicia Pablo Costa Carabel, alumno do CEIP Santa Eulalia de Dumbría, que acadou un máis que meritorio 8º posto na categoría alevín masculino. A familia do Olimpia dá por pechada a temporada de campo a través, pechando unha temporada invernal que tivo como resultados máis destacados o 1º posto na categoría benxamín masculino e o terceiro das cadetes femininas no campionato provincial celebrado o pasado 3 de febreiro en Acea da Ma, campionato onde a acudiron con mais de 25 atletas clasificados, o que supón unha nova conquista a superar por parte desta asociación. Ademais, esta fin de semana o ceés Elian Numa competirá no Campionato de España de campo a través. Todo un desafío que non será o primeiro destas semanas, pois o sábado 3 estará no Campionato de España de pista cuberta na súa categoría e pode que vaia ao Campionato de autonomías competindo por Galicia, xa que está a facer unha gran temporada.

Novas relacionadas

• Rocío Alvite, Míchel Antelo e o Olimpia, destacados costeiros no Circuito de Carreiras Populares da Deputación.

Fonte

• Redacción de QPC ([email protected]).