O vaso ecolóxico conquista a Carballeira de Zas
08:12 05/07/18
Na Carballeira de Zas úsase o vaso ecolóxico dende o festival do 2016. Imaxe: Festa da Carballeira
Un ano máis, a Festa da Carballeira de Zas afianza o seu compromiso coa natureza. Así, na 35 edición do festival o vaso ecolóxico volverá a estar dispoñible. Trátase dun vaso reutilizable que se comezou a usar neste festival no ano 2016. Desde entón empregouse nos seguintes anos, constatando os beneficios ambientais que supón.
O ano pasado o emprego destes vasos contribuíu a unha diminución na xeración de lixo duns 100 quilos menos. O deseño do vaso é de Luís Davila, o famoso humorista gráfico coñecido como O Bichero. O vaso custará 1€ e poderá ser de aluguer ou de venda. Desta maneira, todos os que queiran poderán levarlo como recordo desta edición. Se non, devolveráselles a fianza.
A dirección do festival pretende desta maneira protexer a contorna tan especial na que se sitúa, unha carballeira de 14.500 m2: transmitindo o privilexio que supón poder realizar este evento nun entorno de características únicas e concienciando da importancia do coidado e protección do mesmo con accións concretas.
Entradas con desconto
As entradas para o festival están xa dispoñibles na páxina www.festadacarballeira.com e a través de Ticketea, cun prezo de 12€. Tamén se poderán obter directamente en despacho de billetes, cun custo de 15€ o bono de dous días. Como nas pasadas edicións, os asistentes poderán contar cunha zona de acampada gratuíta, situada a poucos metros do recinto, dotado de baños e duchas.
Máis información
- www.festadacarballeira.com.
- Facebook da Festa da Carballeira.
- Axenda Sonora da Costa da Morte.
- Axenda Costa da Morte
Novas relacionadas
- 2018: Os mexillóns volven á Carballeira de Zas
- 2018: A Festa da Carballeira de Zas preséntase no I Encontro Galego da Cultura Popular
- 2018: Galicia, Escocia e Xapón protagonizan unha Festa da Carballeira de Zas máis folk ca nunca
- 2017: A Festa da Carballeira vence ao orballo e ao vento coa súa música de raíz.
- 2017: Youenn Le Berre, flautista de Gwendal: “O público da Festa da Carballeira de Zas transmite maxia”.
- 2017: Fidel Otero: “A Carballeira si está en moi bo estado de saúde, non tanto a música folk”
- Carballeira 2016: A Carballeira de Zas bate marcas
- Carballeira 2016: Mago de Oz arrincou unha espectacular Carballeira de Zas.
- Carballeira 2016: Fidel Otero: “A Festa da Carballeira é algo que levamos dentro”.
- 2013: 30 anos de folk e festa na Carballeira de Zas.
- 2012: A música e a troula puideron ca chuvia na Carballeira de Zas.
- 2012: Lupe Nieto: “Boa música sen troula non cabe na Carballeira de Zas”.
Fonte
- Redacción de QPC ([email protected]).