A Santísima Trinidade da Semana Santa e outras citas da #AxendaCostadaMorte

08:25 27/03/24

A Semana Santa é unha das épocas máis activas do ano na Costa da Morte. Ademais das celebracións litúrxicas e etnográficas, a comarca conta con varios puntos de interese cultural que permiten a veciñ@s e visitantes poder disfrutar ao máximo, tendo en contaque a previsión meteorolóxica é .

Comezamos o repaso da Axenda pola Santísima Trinidade da Semana Santa: a Semana Santa de Fisterra, a Mostra Víndemo Ver de Carnota, e a Mostra do Encaixe de Camariñas-

Semana Santa de Fisterra e Festas do Cristo

Unha das Semana Santa máis importante de Galicia é a de Fisterra. A celebración, que involucra, literalmente, a medio pobo, volve sacar os seus solemnes pasos ás rúas durante toda a semana, como podedes comprobar aquí nos horarios das procesións.

Pero a vila non lle perde o ton á festa, e compaxina as procesións cos bailes, nas potentes Festas do Cristo.

Mostra Víndemo Ver de Carnota

Unha das citas máis divertidas da Semana Santa é a Mostra Víndemo Ver, que mestura un mercado de proximidade, con varias probas deportivas, concertos, presentacións, exposicións… trasladando á vila a comezos do seculo XX. A pesca da sardiña será o fío condutor desta singular feira, que merece moi ben a pena, que ten citas como a da noite do sábado, cos concertos de balde de Xur e The Rapants, ou representacións históricas coo as de Ximiela.

Podedes ollar aquí o programa completo.

Mostra do Encaixe de Camariñas

A XXXIII Mostra do Encaixe de Camariñas Deputación da Coruña desenvólvese no Pavillón Victor Vigo de mércores 27 a domingo 31 de marzo. Coma sempre, a gran protagonista será a moda, ese elemento que conseguiu nos últimos anos darlle un envorco a esta artesanía secular e convertila en verdadeira vargada do deseño de moda. As pasarelas e os desfiles máis rompedores maridan á perfección coas demostracións das palilleiras de toda a vida.

Podedes ver aquí o programa completo.

Faro Vilan

Reabre as súas portas por temporada o único faro aberto da Costa da Morte. Ademais do Centro de Interpretación de Naufraxios, Faros e Señalización Marítima da Costa da Morte, conta cunha exposición sobre o Camiño dos Faros.

O horario permanente ata o verán será de mércores a domingo de 10-14 e de 15-18, pechando luns e martes.

Obradoiros de barro en Malpica

O Concello de Malpica organiza Obradoiros de Barro gratuítos no Ecomuseo do Forno do Forte do 26 ao 29 de marzo. Os talleres están dirixidos a todas as idades e niveis, e non se require experiencia previa. Os talleres impartiranse en horario de 16:30 a 18:00 horas.

Visitas guiadas patrimonio de Vimianzo

Unha das opcións máis interesantes é achegarte a Vimianzo para ver as visitas guiadas e teatralizadas do Castelo de Vimianzo, os Batáns do Mosquetín, o Porto de Cereixo ou o Castro das Barreiras.

Podes ver aquí todos os horarios.

Torres do Allo de Zas

O Pazo máis antigo de Galicia ampliará os seus horarios abrindo de maneira continuada ata o 31 de marzo en horario de 11 a 20h. Todas aquelas persoas que desexen afondar un pouco máis na apaixonante historia das Torres terán a posibilidade de participar nunha das visitas guiadas diarias que se farán ás 13 e ás 17h e os máis cativos contan coa opción do Xogo de Pistas “A aventura do Allo”. Ademáis estarán dispoñibles dúas exposicións, “As Torres tal como eran” e “Terra de pazos”.

Semana Santa de Laxe, e programa cultural

En Laxe, maridan a vida relixiosa coa pagana. Aquí podedes ver os horarios das procesións, entre as que destacan o Santo Enterro e o Rosario da Boa Morte.

Pero ademais o programa cultural inclúe xornadas abertas no Museo do Mar de Laxe, con entrada de balde. Poderase facer no horario especial para estas datas, posto que desde o venres 22 ata o domingo 31 estará aberto de 11 a 14 horas e de 17 a 20 horas. Todas aquelas persoas que non poidan asistir ese día terán unha nova oportunidade o vindeiro sábado, día 30. Nel, haberá proxectándose un vídeo sobre a Semana Santa realizado con fotografías do “Arquivo Fotográfico Vidal”.

Semana Santa de Muros

O xoves e o venres, as procesións muradás percorrerán as rúas, culminando coa ‘Vixilia Solemne’ do sábado 30. O fin da programación terá o vindeiro domingo 31 de marzo coa celebración da ‘Palomiña’