O panorama cultural e social da cidade de Delémont enriqueceuse un ano máis coa destacada participación do grupo galego Galiza Celta na segunda edición do Festival da Transición. Este evento, que este ano se fusiona coa Natureza, marca un fito importante na promoción de cambios de comportamento cara ao desenvolvemento sostible e á loita contra o quecemento global.

Esta celebración é unha resposta consciente á necesidade de unir forzas cara a un obxectivo común: promover prácticas que promovan o desenvolvemento sostible e a economía circular. Nun mundo onde a preservación da natureza se converteu nunha prioridade urxente, as transicións que debe emprender a sociedade humana son máis evidentes que nunca.

Nesta edición do festival ofrecéronse obradoiros participativos, postos informativos, venda de produtos ecolóxicos e de alimentación, así como degustacións, conferencias e música. O máis salientable desta participación é o seu alcance inclusivo. As actividades propostas non foron exclusivamente dirixidas a persoas adultas, senón que tamén se centraron na implicación da mocidade, recoñecendo que son eles os que herdarán o legado das nosas actuacións actuais. Esta inclusión demostra o compromiso da cidade coa educación ambiental e a concienciación das futuras xeracións.

O colectivo galego Galiza Celta, arraigado na rica tradición cultural de Galicia, conquistou o corazón da cidadanía da cidade suíza, converténdose nun elemento esencial no ámbito social e cultural. Coa súa fusión de música tradicional levou aos asistentes a unha emocionante viaxe a través de melodías antigas e ritmos contaxiosos.

A participación de Galiza Celta no Festival da Transición non só deleitou aos oíntes co seu talento, senón que, unha vez máis, estreitou os lazos entre Galiza e Delémont. Desde a súa primeira actuación na cidade, o grupo costeiro construíu unha rede de admiradores e seguidores, que agardan ansiosos cada oportunidade para mergullarse na súa música e celebrar a riqueza da diversidade cultural.

Máis novas do grupo