Chega, os días 29, 30 e 31 de marzo e 1 de abril, a 10ª edición do Carballo Interplay. Faino ademais poñendo o foco no talento da mocidade galega, reivindicando a creación de contidos dixitais dende Galicia e en galego en toda a rede, xa sexa en redes sociais coma Twitter, Youtube, Twitch ou Tiktok, no eido audiovisual ou en formato podcast.

Así, os dous primeiros días de festival desenvolveranse na nosa lingua con eventos como a gravación en directo do podcast “Petiscos no Derby” (edición especial do podcast Café Derby 21, creado por Carme D. Prol, Adrián Lede e Nico Carreira), a estrea do talk show “Dando a turra” (con Belén Puime, creativa na produtora “Unicorn Content”, e Uxía Vázquez, creadora do podcast “Falar sen saber”), o repaso á historia da internet galega con María Yañez en “O outro lado da pantalla”, o pitching de iniciativas que optarán ao premio de “Mellor proxecto de serie web” e a estrea en exclusiva do proxecto gañador na anterior edición.

Antes, para arrincar, farase entrega de premios de “Dinoescolas”, un certame que se estrea esta edición incitando á creación de contidos audiovisuais orixinais en lingua galega para a súa difusión por internet mediante a creación de capítulos da serie “Dinosaurio”.
O xoves ademais varios centros educativos galegos serán o público da sesión matinal, que rematará viaxando pola historia da internet e gravando no Derby.

O Pitching do xoves (é dicir, a proxección das webseries presentadas ao concurso, o principal activo do Festival) será tamén coas achegas presentadas na nosa lingua. Pouco despois, ás 20h00, terá lugar a estrea en exclusiva do proxecto que foi seleccionado o ano pasado, “Mentres non chova”, unha obra creada por Carla Mojón, Xiana Rei Martiz e Luiza Velizarova.

Outro activo da nosa lingua será o medio dixital creado en 2021 ACousa, formada por Isabel Gutierrez, Xulia Lomba, Yaiza López e Aida Vilariño.

Pouco a pouco iremos sabendo máis da programación: Zona PRO dedicada á industria audiovisual, charlas, shows, talleres e espectáculos.

Repaso histórico DO CARBALLO INTERPLAY

• 2022: O “necesario” Carballo Interplay pechou a súa 9ª edición cunha boa “desfeita”
• 2022: O Carballo Interplay arrincou poñendo en valor o talento galego da rede.
• 2021: O Carballo Interplay recibe o Premio Rodolfo Prada á xestión cultural 2021.
• 2021: O Carballo Interplay 2021 ofreceu ao mundo unha inmellorable panorámica da innovación na rede.
• 2021: Interplay: Os Masters da rede galega debullaron as principais canles creativas.
• 2020: A creatividade fluíu na rede gracias ao Carballo Interplay
• 2020: Antía Suárez: "O Carballo Interplay visibiliza o traballo da xeración máis nova"
• 2019: Paula Vázquez: O Interplay moi ben, pero falta Carballo
• 2019: O Interplay volveu convertir Carballo na capital da cultura dixital global.
• 2018: Dinosaurio, a webserie do Interplay que narra a caída mundial da internet.
• 2018: O Interplay volveu convertir Carballo na capital estatal dos contidos dixitais.
• 2017: O Festival Interplay fai de Carballo a capital da cultura dixital global
• 2017: O IV Festival Carballo Interplay, a máxima calidade audiovisual entra na Costa da Morte
• 2016: O éxito do III Carballo Interplay asegura unha cuarta edición no 2017.
• 2015: O Carballo Interplay, os Óscars 2.0:
• 2015: Arrinca un desenfadado Festival Interplay para poñer Carballo no centro das miradas do audiovisual.
• 2015: O Festival Interplay, unha regueifa audiovisual de vangarda.
• 2014: As mellores webseries de España, premiadas no Carballo Interplay.